HANDIKOS sot ka përmbyllur me sukses kampanjën 16 ditore ”Shkolla hap dyert e botës”, e cila ka pasur për qëllim promovimin e përfshirjes së fëmijëve me aftësi të kufizuara në edukimin e rregullt në Kosovë.
Kampanja ishte e ndarë në katër faza, ku tri prej tyre u prezantuan përmes nëntë videove të shkurtra nëpër televizione vendore dhe rrjete sociale, përmes së cilave kemi treguar pengesat dhe mënyrën se si duhet të veprohet për rregullimin e qasjes së plotë infrastrukturore për fëmijët me aftësi të kufizuara nëpër shkollat e Kosovës, raporton arbresh.info.
Ndërsa më 3 Dhjetor – Ditën Ndërkombëtare të Personave me Aftësi të Kufizuara në oborrin e Presidencës së Kosovës u vendos instalacioni ”Shkolla hap dyert e botës”, ku përgjatë pesë ditëve, zyrtarë të lartë shtetërorë, përfshirë presidentja, kryeministri, ministra, deputetë, ambasadorë të huaj e figura të njohura nga fusha e muzikës, artit e sportit si dhe aktivistë të të drejtave të fëmijëve nënshkruan dhe u zotuan për një gjithëpërfshirje më të madhe të fëmijëve me aftësi të kufizuara.
Kampanja është realizuar në kuadër të projektit ”Avancimi i situatës së fëmijëve me aftësi të kufizuara në Kosovë”, i mbështetur nga Zyra e UNICEF-it në Kosovë./arbresh.info/
Bora dhe Heidi shumë shpejt me programe televizive, ja ku do...
Izraeli thotë se ka goditur qindra caqe në Liban
“Të kthehemi më të fortë”, Flick flet pas humbjes së Barcelo...
Të shtënat me armë në ahengje, MPB: Gjatë gushtit u konfisku...
Për një javë policia shqiptoi afro dy mijë gjoba trafiku në ...
Lajçak: Dy javët e fundit, fokusin e kisha në dialog